नाही कशी म्हणू तुला, म्हणते रे गीत..
गीतकार |
- आरती प्रभू |
गायक |
- लता मंगेशकर |
संगीतकार |
- पं. हृदयनाथ मंगेशकर |
नाही कशी म्हणू तुला, म्हणते रे गीत परी सारे हलक्याने आड येते रीत नाही कशी म्हणू तुला, येते जरा थांब परी हिरव्या वळणांनी जायचे ना लांब नाही कशी म्हणू तुला, माळ मला वेणी परी नीट ओघळेल, हासतील कोणी नाही कशी म्हणू तुला, घेते तुझे नाव परी नको अधरांचा, मोडू सुमडाव नाही कशी म्हणू तुला, जरा लपू छपू परी पाया खडे कांटे, लागतात खुपू नाही कशी म्हणू तुला, विडा रे दुपारी परी थोरांच्या समोर घ्यायची सुपारी
0 टिप्पणी(ण्या):
टिप्पणी पोस्ट करा